Kurdên Swêdê bi şahiyeke mezin 58 saliya Komara Kurdistanê Mehabad pîroz kirin.

Roja 24-ê Çileyê Paşîn li Stokholmê, li Solnahallen bi qasî 3000 kurd kombûn û bi bernameye zengîn şahîyeke mezin lidarxistin. Piştî axaftinên siyasî, hunermendên navdar wek Şivan Perwer, Nasir Rezazî, Qadir Elyasî, Leyla Ferîqî û gelekên din bernameyeke çandî ya gelek zengin pêşkêş kirin. Kurdên ji herçar parçên Kurdistanê bi hevra û bi layîqî ew roja pîroz bi bîr anîn. Di şevê de gelek slogan ji bo piştgirîya Kurdistana başûr hatin bilindkirin. Jin, zarok, pîr û ciwan, endam û pêşmergeyên xazî yên Hizbî Demokratî Kurdistan rengekî netewî ê ciwan ku mirov zû bi zû jibîr neke dane şahiyê.

Şahiya bîranînê bi pêşengiya Hizbî Demokratî Kurdistanî Îran û Hevkariya hêzên siyasî hatibû amadekirin.