Salvegera Tevkujiya Halebçê

Bi mebsta salvegera tevkujiya Helebçê , em bi navê Partiya Îslamiya Kurdistan – PÎK    mêrkûj û kedxwarên rejîma rûxayî ya Saddam û hevalên wî yî xwinxwar  bi tundî şermezar û la’net dikin u ji Xweda’yê mezin hêvî dikin, ku  Şehîdên Halebçe  di  bihiştên bala de  bi dilovanî  bi cih bike.  

Li aliyê din Di 12.03.2004 de li bajarê Qamişlo û hinek deverên din li başur-rojavayê Kurdistanê êrîş li dijî Kurdên bêparastin ji aliyê rejîma Baas ya Sûrî ve hatine li dar xistin. Di encama van êrîşan de bi dehan Kurd jiyana xwe ji dest dane, pirr kes birîndar bûne û gelek kes jî hatine girtin! 

Em binavê Partiya Îslamiya Kurdistan, PÎK van bûyerên vahşî û hovane bi tundî şermezar û telîn dikin, bo  şehîdan daxwaziya  rehmetê û dilovanîyê dikin, bo nexweşan daxwaziya tenduristiyê ji  Xweda’yê Mezin dikin.

Em bi şehîdbûna Kurdên bê tewan  pir xemgîn in û ji malbata wan re sersaxî û sebrê daxwaz dikin. Äehadeta wan bi teybetî bo gelê Kurdistanê û bi gelemperî bo gelên çewisandî yên  mezlûm  pir bi şewat e.

Neyarên Kurd û Kurdistanê û yên gelên bindest vê bûyerê li dijî mirovahiyê li dar xistine. Li dijî van bûyer û tevkujiyan  divê Kurd di qada netewî û navnetewî de hişyar bin û yekîtiya xwe damezirînin, daku dijminên Kurd û Kurdistanê bi ser nekevin. Em daxwaz dikin, ku gelên çewisandî û gelên bindest li dijî zilm, zordarî bibin yek.

Divê mêtînger, dagirker û dijminên Kurd û Kurdistanê zanibin, ku gelê me yî bê parastin li başur-rojavayê Kurdistanê ne bitenê ne û wê ev kuştar bibesedema hilweşandina desalatdariya rejîma Baas ya hov ya Sûriyayê.  

Bi Navê Serokê Partiya Îslamiya Kurdistan, PÎK
Prof. Dr. Muhammed Salih Gaborî
Berpirsiyar  Azad Arnasî