Goran

SAWAYÎ AŞTÎXWAZ Minalêkim, korpeyî naz Wek bawkî xom aştîxwaz Kotrî sipî teqlebaz Le çeqal ekem derbaz Name wê girmeyî bomba Be kutek le kelem ba Name wê çepokî şer Malî bawkim ba be ba Minalêkim, minalêkim aştîxwaz Bawkim nabê bê kar bê Rût û qût û hejar bê Daykim fimeskî xemî Wek dilopî bahar bê Minalêkim, minalêkim aştîxwaz	BESTEY DILDAR Le jêr asmanî şîne Le pal lûtkey befrîne Kurdistan geram, dolaw dol pêwam Ne le şar û ne le dê nemdî kes wek to ciwan bê! Toyt û bes kiçek kurdêk dil pêy şad bê wek fîrîşte w perîzad bê! Ne barîk î, ne goştin, ne kiçoley, ne şajin, ne zor çawreş î ne êcgargeş î belam be nîgay şîrîn nemdî kes wek to be tîn toyt û bes! Lêt bê bizey mangeşewî bejnî rêk û rewtî kewî! Lew rojewe tom dîwe eşqêk le dil çespîwe Satî dûr bî lêm, gir ber ebê têm! Ke dest yexet gîr nabê! Le lay kes dil jîr nabê Toyt û bes penay hîwa w xewbînînim, awatî giyanî şîrînim! Ewsa ke tom nedîbû jînim talî w tirşî bû bê şadî w aram bê hîwa w nakam ejîyam, jînî serserî nembû kes bo raberî toyt û bes rêgay hîwa nîşanderim sextî jîyan asankerim! Ey gewrekiçî "Zewûs"! Xuşke ciwanekey"Vînûs"! To eperistim boye wa mest im! Bo ayînim egerê hendê kes ba car bidrê toyt û bes Qibley ayin û bawerim, xuway beheştî dilî terim! Wek sereroy şwên amanc ne zaza ma ne kirmanc, geram Kurdistan, germiyan û kwêstan ne le şar û ne le dê nemdî kes wek to ciwan bê toyt û bes kiçe kurdêk wek gul wa bê Kurdistanî pê awa bê!