2024-03-29
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
İlhami Sertkaya
 
‘ WÎ! EZ TO RÊ BİMİRÎ!’
2015-09-30 23:19
İlhami Sertkaya
Eke nusneyê derg û ‘teorîyî, fikrê hîra û mesajê ‘analîzan’ fayde nêkenê, ma ‘derdê xo’ kilmek binusnime. Kesê ke nêwazenê rastê rastîye bibê, kesê ke rastîye ra tersenê, xora şima ci ra çi vanê, vajê, çi nusnenê, binusnê, nêwazenê bivênê, biwanê.

Şima heta ke qalê ‘şoreşvanîye’, qalê ‘welatperezîye’, qalê ‘serbestîye’, qalê ‘kamîye’ bikerê, rastîya ziwanî de ranêxelesînê.

Meremê!Fayde nêkeno!

Ez rind zanena ke, şima mi wanenê.

Ez rind zanena ke, şima vateyê mi zanenê.

Ez rind zanena ke, şima her serre’ roja ziwanî’ de, seba ke qaşo vajê,’ziwanê xo ra wayîr vecînê’, ebe formalîteyan, qalê ziwanî kenê.

Ez rind zanena ke, şima tenya xo xapnenê.

Şima zi rind zanenê ke; ziwan ne hobî yo, ne zî her serre de, yew roje ‘virardîş o’.


Ez rind zanena ke, şima zaf bîyê asîmîle û heskerdîşê ziwanî zerreyê şima de vecîyo. Wendoxî zanenê kes ê ke ez bi nameyê ‘şima’ qal kena, kem ê.

Nînan ra yew kes, nê rojanê peyênan de, ancîna bi Tirkî, derga-derg qalê ziwan û wayîr wecîyene nusnabî. Helbet o bi xo zî, ziwanê xo nêzaneno.

Mi ke nusneyê ey wend, no sernusne ameya aqilê mi.

Mi xo bi xo va; ‘WÎ’ EZ TO RÊ BİMİRÎ!’

Nê kesî, hem kurdan xapnenê, hem zî dawa serbestîye xapnenê. Nê kesî, hem Kurdan ra çiman qirpnenê, hem zî dewleta Tirkan ra. Nê kesî Dewleta Tirkan ra vanê ‘ma bira yîme’, Kurdan ra zî vanê, ‘ma şima şeveknenîme’. Nê kesî Kurdistan nêwazenê, la se ke wazenê, xo misnenê. Fekê nînan de çekuyê ‘hastîye, biratîye’ kemî nêbenê, la ê tenya seba faydeyê xo nê çekuyan û vateyan ruçiknenê.

Bawer bikerê, Dewleta Tirkî ke nînan ra vajo ‘ma kurdistan danê şima’, ê nêşonê û nêwazenê.

Ê ,koke ra henî bîyê Tirk ke, şima ebe vate û nusneyê înan ra qet goşdar mebê, qet ebe nînan mexapîyê.



Print