2024-04-14
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
Suphi Aydın
 
ZIRAC
2023-01-03 19:10
Suphi Aydın
Hero zirac nîka cerdo yena ba
Delal nîka cerdo yena ba
Sê şîramê qamîş gualon xwi namnena
Wez helîyena ziracîro

Hero zirac nîka verruêj Gazî
Per rişnena hak xwi dayî
Herê dayê vano ziracirî
Qedêr Ellay bibo zirac bêro

Kuêy Hesarek bêrz kuêyono
Mubareko bêrz kuêyono
Hero wax ziraco çîm belêko
Dayê vano ziraciro

Ziracê mi hanîka cerdo yena
Delalê mi hanîka cerdo yena
Sê şîramê qamîş gualon xwi namnena
Hero wez helîyena ziracîro

Şekellûwo têko bo wêko bo
Mubareko têko bo wêko bo
Qedêr Ellay cuarîn bibo
Ziracê xwi erzena binatê
Sultan Qibêsî û Girdbelêko

Hero ina vorekê vor dere ya
Ina kepekê Sultan Qibêsî ya
Dayê vano ziracîro
Hero wez helîyena ziracîro

Hero ziracê mi hanîka cerdo yena
Delalê mi hanîka cerdo yena
Berz perena alçax kuena
Qedêr Elley bibo ez zirac bena

Hero warê Heydêr bêrz warono
Vêrbêr Heydêr bêrz warono
Vêr ma nûk Şarik û Şivano
Çim tu sîyay û birî qijî
Dayê vano ziracirî

Hero ina ziracê vor xwarîka
Mubarekê vor xwarîka
Dayê vano ziracirî
Hero ziracê mi hanîka cerdo yena
Dayê delalê mi hanîka cerdo yena
Vêrbêr baykê mi nişena
Qedêr Ellay bibo ez tu gena
Dayê vano ziraciro

Wendox zon ma yê delal ina deyrê Zirac hêt mintiqayê Palî û Wexî di yena vatiş û xêylek varyant yêy zî êst. Mi cuyaver zî yow vayant ina dêyr neşir kerd bi, la nikay zî şima rî ina dêyr pê fêk Şeyîn Wêl Şêyîn ( Şahîn Kaya ) Sarconij a neşir kena. Şima eşkên înternet di Şahîn Kaya Sarconij gueştarê bîk. Heyonê rayna weş û war bimanên.

Print