2020-06-07
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
 
PANÊLA PERWERDE Bİ ZİMANÊ DAYİK
2019-12-24 15:05


Roja 21ê Çileyê Pêşîn (meha 12) li Diyarbekrê, di salona Otêl Plaza da Panêla Perwerde bi Zimanê Dayik çêbû.

Panel bi aliye Wakfa Riya Azadî hatibû hazirkirin.

Panelê dane sibê di saet 10’an da dest pê kir. Ji komîta rêvebir ya Wakfa Riya Azadî, Hüseyin Özdemir civîn vekir, sillav lı hazıran kir û di derheqa panelê da bi kurtî agahî da.

Moderatorê panelê Av. Abdulmenaf Kiran bû. Ji Diyarbekrê û ji bajarên der û dor gelek kesên rewşenbîr û siyasetmedar di civînê da beşdar bûn.

Berî nîvro di civîna pêşî da Serokê Wakfê nivîskar û sîyesetmedar, her usa jî huquqnas Kemal Burkay qise kir. Burkay li ser mafê perwerdeyî û çandî ku di beyan û peymanên navnetewî da cî digrin sekini û bi Kurdî û Tirkî behsa beyan. Peyman û biryarên Yekitiya Milletan, ya UNESCO, ya Yekitiya Ewrûpê û yê din kir, li ser Lozanê sekini.

Piştî Burkay Mamosteyê zimanê Kurdî Haluk Öztürk, ku ji bo panêlê ji Swêdê-Stokholmê hatibû, di axaftina xwe da li ser babeta tesîra perwerdebûn bi zimanê dayîkê li ser zarok bi aliyê rûhî , zanîn û civakî sekini û bi taybetî ji sistema perwerde ya Swêdê nimûne dan.

Piştî xwarina nîvro Panêlê berdewam kir. Di vê beşê da Doçent Dr. Ekrem Önen, ku salên berê li zanîngeha Mêrdîn-Artûklu, di beşa zimanê Kurdî da ders dabû, nuha jî bo panêlê ji Swêdê-Stokholmê hatibû, li ser pirsa perwerdeya pir zimanî, bi taybetî duzimanî sekinî, ji welatên Sovyêta berê û Rûsya nuha, ji Swîsre, İraq û Amerîka nimûna dan.

Axaftina çaran ya Mamoste Cemîl Güneş bû. Mamoste Güneş jî li ser babeta, dema zarok bi zimanê dayikê perwerde bin ya ne bin, tesîra wê li ser zarokan çi ye, ango di jiyana wan da çi feyde yan zırarê dide, li ser vê yekê sekinî.

Piştra ew kesên ku li panelê wek guhdar beşdar bûn, ji wan neh-deh kes, wek İbrahim Güçlü, Fuat Önen, Ali Öncü, Zinet Dinçer. Çiyager û Serokê HAK-PARê Latif Epözdemir, li ser babeta panêlê qise kirin.

Axaftinên ku di panelê da hatin kirin bi du zimanan (Kurdî û Tirkî), wek pirtûkekê wê bête hazirkirin û çapkirin.

22- Çileyê Pêşîn-2019, Diyarbekir

Print