2020-10-29
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
 
Netîceyî Referandumî 25î êlulê, kilitî serxwebunî Kurdîstanî yo
2020-09-27 02:27


Her di şêranî cîhanî ra pey sitatûyê cografyaya sîyasî ê cîhan ameyî bedilnayiş. Kolonyalîzm zaf cayanî cîhan de binkewt, împaratorî hikumdar ê a dinyaya kehen yew bi yew ricîyayî. Nê împaratorîyan ra zaf dewletî new peyda bî ke zafê înan bê şer û koxe bîyî waharî hikûm û qederî xo bi destî xo ya tayîn kerd. Ê dewletî ke împaratorîyanî qedîm ra vecîyayî nika endamî sazîyê NY (Neteweyanî Yewbîyaye) yî. Înan ra taye bîyî endamî Yewbîyaye Ewropa. Înan ra her yew, yew cûya xoser û serfîraz ramneno.

Taye miletî zî no qonax de her o qeyde bi biryarî hêzanî emperyal, bîyî waharî dewlet ke nifûsî înan hendê yew bajarî Kurdistanî yo, la ewro bîyî waharî hikum û problemê qederî zaf miletanî sereke, qedîm û gird tayîn kenî. Bêgûman serxwebûn û azadî heqî her milet o.

No qonax de tena Kurdîstan serxwebûn ra mehrum mend. Pero bîn ra Kurdîstan mîyanî çar dewletanî rojhelato mîyanîn de ame parçe kerden. Dewletê Îran serrê 1639’ de yew perçeyî Kurdistan vistibi binî destî xo. O wext Iraq û Surîye hema dewlet nêbibî. Hêzanî emperyal ey kerdî dewlet û sey xelat her dewlet rê yew parçeyî Kurdistan peşkeş kerd. Komara Tûrkîyê zî, newe ameyibî awan kerden û parçeyo tor gird ê Kurdîstan kewt binî hikumî Komara Tûrkîyê. Çar dewletî ke Kurdîstan mîyanî înan de ameya bar kerden, înan ra qet yewî zî bi quwetî xo Kurdîstan nêkerdo bindest. La hêzanî emperyal parçeyanî Kurdistanê sero ê kerdî waharî hukum. Ê dewletî ke nika yew parçeyî Kurdistan bini desti înan de yo; bi heme hêz û kerdeyî xo, xover danî ke Kurdîstan azad nêbo.

O nîzamo verba kurd ê cîhan, no serdemo newe de bedilîya. La bînî kontrolî hêzanî emperyal de, na rey zî rojhelato mîyanîn de yew nîzamo verba kurd ame awan kerden. Serekîyê no nîzamî Îran û Turkîye kenî. Kurd yew mileteka qedîm, roniştoxî no herêmî yî û henzaran serriyo ke yew welat ciwîyenî û nameyî no welatî Kurdîstan o. Welatî kurdan bê rizayî kurdan ameyo parçe kerden. Nifûsî Kurdîstan hendê pancas û di dewletanî xoser ê cîhanî yo, la Kurdîistan hema zî bindest o.

Heyf û gune ke miletê kurd se serra ha babikî yew statûyo sîyasî.

Helbet heqî miletê kurd zî esto ke qederî xo çarçeveyî yew statuyo siyasî de kivş biko û welatî xo sey yew welata azad idare biko.

Serre 2017 de, sedemo ke dewletê Iraq verba Başûrî Kurdîstan wezîfeyî xo ê yasayî caniardî, parlemetoyî qerar girewt ke bi yew referandumo peroyî şarî Kurdistan ra bêro pers kerden, ka gelo şar na rewşa nika wazeno, yan zî yew dewleteka xoser wazeno. 25’î êlule serrê 2017 de no referandum virazîya. Şarî Kurdîstan se ra 93 beyan kerd ke ê “yew dewleta xoser” wazenî. Her o qeyde ê mintiqayî Kurdîstan ke girêdayîyê hikumeto merkezî ê Iraq mendî, zafê înan zî waşt ke bi Hikumetî Heremî Kurdistan a bêrî girêdayen.

No netîce, tarîxî Kurdistan de sey yew rojo pîroz ame qebûl kerdiş.

No referandûm bi yew usulo demokratîk ame viraştiş. La duşmenanî kurdan, bi yewveng netîceyî referandum qebûl nêkerd, netîceyî referandûm rê hurmet nêkerd. Duşmenî kurdan no qerar ra zaf tersayî û nêrihet bî. Seba ke netîceyî referandûm ca nêro, yanî rayîrî Serxwebûnî Kurdistan bêro girewten, çi dest ra ame kerd. Înan eşkira hikumdarîye Kurdîstan û Serek Barzanî tehdît kerd û heqaret kerd. Cuwa pey zî semedê tersnayişî kurdana wareyî leşkerî de tedbîrî muşterek girewtî. Her per ra dormareyî Başûri Kurdistanê girewt û rayir û berî girewtî, seferî teyarayan qedexe kerd, bi kilmkî bi qeydeyî duşminatî şarî Kurdistan eşt mîyanî zehmetîyanî girdan. La feyde nêkerd, miletê kurd va: "şima bê minet î” û xo ver da, resayî nê rojan. Miletê Kurd yew rey qerar dayo, Kurdîstaneko Xoser bêro awan kerden. Ewro bo, yan zî, siba bo, hinî dinya alem zana ke yew dewletê Kurdistan a serbixwe awan bo.

Lazimo no serdemo newe de, miletê Kurd her çahar parçeyanî Kurdîstan de vengî xo berz bikero, pesirî cemaato mîyannetewî û her o qeyde pêsîrî hêzanî emperyal bîgero, semedê amaye xo, dozê yew statûyo sîyasî biko. Miletê kurd no serdem de, na rewşê bindestî û parçebîyayişî Kurdîstan qet qebûl nêkena û semedê bedilnayişî no qedero sîya xo ver bido, no rewşo bêedalet rê îtîraz biko.

Ez zaf keyfweşa ke bi rayîrnîşandayişî, serekî miletê kurd birêz Mesûd Berzanî, teberî welat de "Merkezî Kurdanî Dîaspora“ yeno awan kerden. Bêguman na yew gama zah muhîm a. Semedê çarenuştişi kurd û Kurdistana yew xebateka zaf erjîyaye ya. Ma sey HAK-PAR’ê, bi heme hêz û îmkananî xo paşt bidi no merkezî û semedê awan kerdişî "Merkezî Kurdanî Dîaspora“ çî wezife bikewo milî ma sero, ma hazirî no wezîfe cabiyarimi.

Netîceyî Referandumî 25î êlulê, kilitî serxwebunî Kurdîstanî yo

Ma sey Partîyê Maf û Azadîyan / HAK-PAR vanî ke 25 ‘î êlule dîrokî Kurdistan de nameyî yew roşano new ê netewî yo. Bêguman nameyî no roşanî bibo “Roje Qerarî Serxwebûnî Kurdistan”

Na roja qedirbilind û pîroz se henzar rey pîroz bo.

Wa îrade û utopyayê şarî ma ê Başûrî Kurdistan zaf biciwîyo.

Kurdistana serbixwe û demokratîk rê silamî.

HAK-PAR yar û hetkarî "Merkezî Kurdanî Dîaspora."

HAK-PAR çimrayîr û zerrwaşteyê Kurdistanek serbixwe ya.

Latif EPÖZDEMİR

Serekî Pêroyî yê

Partîyê Maf û Azadîyan / HAKPAR
Print