|
Li Berlînê karnavala piştgirîya serxwebûna Kurdistanê |
2014-08-22 00:31 |
|
BANG
Revenda Kurd a Elmanya Gelê me yê dilsoz û xemxur û welatparêz Dem dema SERXWEBÛNÊ ye!
Xwîşk û birayên xweştivî û delal;
Li roja Şembî 23.08.2014, demjimêr 17:00 bi goreyî dema Kurdistanê wê li HEWLÊRÊ Karnevala Serxwebûna Kurdistanê bê dest pêkirin, jibo wê jî Komîta Bilind daxwaziya xwe gehandiye revenda kurd li derveyî welat ku di wê rojê û di wê demê de bi bilindkirina ALA Kurdistanê bêne ser cadeyan û kombûnên girseyî çê bikin.
Me jî weke Însiyatîva Piştgiriya Serxwebûnê li Elmanya ew daxwaz gehand piraniya Komele, Partî û Saziyan daku em lihev bicivin û biryar bidin.
Roja pêncşmebî 20.08.2014 em civiyayîn û me biryar da ku em jî di wê xweşi û şadiyê de beşdar bin.
Biryar:
Piraniya komele û sazî û partîyên Kurdistanî piştgiriyê didin Karnevalê û wê di roja şembî demjimêr 15:00an de liber deriyê Wezareta Karên Derve a Elmanya amade bin.
Em daxwazê ji we yên welatparêzên dûrî welat, xwedî hest û soz û hûnên xemxurên mafên gel,
werin em hemû bi hevra bêjîn:
“Belê ji Serxwebûna welat re!“
Werin em hemû bi hevra ala pîroz bilind bikin û li Berlînê bihejînîn bi banga xwe.
Werin, malbatên xwe, zaroyên pêşerojê, cîran û dostên xwe bînin û bihevra serxwebûnê bixwazin û bi bêjin;
“Bila îro be ne sibe, karesat û xwênrêtin û zilim û zorî bese!
“Em bibin DEWLET û xwedî KURDISTAN a Serbixwe li cîhanê serbilind bijîn!
Werin emê bihevra dengê xwe bikin yek, emê piştgirî bidin HEWLÊRê û hemû kurdên Cîhanê.
Hatin bo hemî KURDANe, ji her bajarekî ku ew bikarin xwe bigehînin Berlînê.
Însiyatîva Piştgiriya Serxwebunê li Elmanya
|
|
|
|